Notebooks
In Hisicht uf mis Studium bin ich am überlegge, was ich eigetlich füren Notebook (Marke) bruch.
Da ich aber über praktisch alli Hersteller ned immer allzu positivi Sache ghört ha, hani denkt ich frag mal nach, was ihr so bruched und empfehle chönd.
Was mit „Power“, „e“, „i“ afat, oder überhaupt en Öpfel druf hed, möchti gar ned ersch da läse 😛
phex
vo lenovo hani no nüt schlechts ghört, allerdings enttüscht mich ihri site, da ich det (s’letsch mal woni druf gsi bi) kei hardware specs ha chönne uffinde.
ich ha vorher nochli öppis über dell laptops gläse und tendier jetz wider i die richtig.
weis öpper ob fujitsu siemens und hp endlich robuschteri laptops hend? alli kollege vo mir mit fujitsu siemens bzw. hp laptops/desktops sind nur am flueche… 30 minute akku, schwachi systemleischtig… sind das DAUs, oder hend die 2 hersteller effektiv problem?
@longneck: apple wot ich us dem grund ned bruche, wel ich mich efach scho z’fescht i windoof igschafft ha und wel halt so zimli alles uf windoof lauft :/ ich weis zwar noni was ich für awendige wird müesse bruche, aber ich cha ja mal nachfrage. allerdings glaubi, das di meischte studierende i de ingenieurwisseschafte ibm-kompatibli laptops hend…
Longneck
de freidenker studiert mit eme powerbook^^
frog en doch mol wie er so z schlag chunt…
dell???? hör uf! mir hän dells bim coop und nur schissereie! die sin priislich die billigste, und das merksch denn au entsprechend an dr hardware – do hebt nüt länger als e halbs johr. wenn i öppis NID würd chaufe, denn dell odr acer.
vo hp notebooks hani bisher no nüt schlechts ghört.
phex
dell isch mir au ned so positiv übere cho eigetlich… arbetskollege vo mim vater flueched, aber ich ha vorher es review gläse über de inspiron 6000, klar review und benchmarking gaht kes halbs jahr und mer set eher uf user reviews luege, wel die d’notebooks länger hend, aber ich denk dell isch ufem weg der besserung…
vo acer hingege han ich widerum ned allzu schlechts ghört…
phex
was haltisch so vo toshiba?
Longneck
toshiba? hmm, weder guets no schlächts ghört…
Wi!!iam Wa!!ace
e notebook vo de marke notebook? 😛
phex
ha mir grad d’vaios inezoge vo sony … :D:D:D
Longneck
notebooks marke „notebook“ sin scheisse, 30min akku, interns mikrofon und lüfter – hmmmmmmmmm 0:-)
sony vaios hän eifach e hammer display…
phex
allerdings und de neuscht vo de fe serie hed en intel core duo T2400 dinne, ati radeon x1300 mobility und 1gb ram für 2300.- …
phex
ah… und 4 stund akku 😛
rakudave
chauf jo kei acer, ich wart sit 3.5 mönet druff, dass dä uf dr reparatur chunt… :-//
phex
im moment hocked 10 lüt um din laptop ume und chratzed sich am chopf:
a: „gsehsch du was kaputt isch?“
b: „nei, hed ja ke chratzer :/“
c: „uuuh, was macht das da…?“
b: „wow, das ding cha mer ja ufklappe!“
alli: „UUUUIIIII!“
phex
„HEY DA ISCH EUSES FIRMELOGO DRUF! IRGENDÖPPER HED EUSES LOGO UF DAS DING KLEBT!!!“
rakudave
LLLllloooOOOooolllLLL
phex
„DÄ DAVID MÜEMMER VERCHLAGE WEGE COPYRIGHT VERLETZIG!!!“
rakudave
glaub mer’s!
btw: caps lock drugge zem d grossbuechstaabe widr abzstelle… 😉 0:-)
Freidenker
@phex: i ha die problem au gha, dass i nid gwüsst han, was chaufe. ha deshalb denkt, i schib am beschte grad mol mini erfahrige dezue ime eigene bitrag (as kommentar wärs viel zlang): [Link]
phex
yeah, danke 🙂 isch sehr informativ 😀
Longneck
allerdings! sehr objektiv und umfassend.
MrWatch
@raku: mi nb het 10 daag brucht zum repariere 😛
mim vater si acer isch aber au scho sit 3 mönet uf odysee.
rakudave
bidde?
hän die penners immer so lang?
naja, drfüür ischs gratis, well si so lang hän
(730.-sFR… !!)
Foxie
offebar scho…
wenigschtens daas
MrWatch
s schiint ganz dr fall z si. nb in lade-> in d zentrale -> das chömmer nit flicke -> zum Hersteller -> lagerig, bis containter voll -> schiff nach china oder öbbis i däre richtig -> die döfe denn das teil usenandernäh -> rückfroog, öb reperaturchosche i.o. sinn -> flicke -> (problem mit flicke -> kei ersatzteil meh -> )ins lager -> warte bis conainer voll -> ship it -> rotterdam -> rih -> basel -> züri -> basel -> zum kund.
vilicht lauft das jo so 😉
Foxie
i glaub zwar nid, dass si so öbbis vrschiffe, abr wär weiss
phex
gell! nb ine grossi (leeri) fläsche, zapfe druf und ab is meer demit! schiff produziered ja nur finstaub!
MrWatch
das isch doch däne so öbbis vo glich.
Foxie
jo, leider :-S
phex
warted nur… gli döfed d’flugzüg nur no 80km/h flüge…
Foxie
hmm, mit dämm chönnte si denn eifach no bis am 2. Juni dieses Jahres warte…;-)
Longneck
warum denn nid?
hesch di überhaupt scho mol dermit befasst, odr bruuchsch tools wo nid dört druf laufe? grad do wo ohni gross umebaschtle schnell wöttsch schaffe… wär jo eigentlich grad ideal für di.
vo de non-apple notebooks chani IBM lenovo empfehle, die sin robust. aber ebe, au do het qualität si priis…