Rheinform
„Gewinnmaximierung“ macht auch vor Flüssen nicht halt. Bei Google Earth bin ich den Rhein entlanggefahren – und hier sieht man sehr „schön“, dass er arg kastriert wurde. Keine Mäandern mehr, nur noch *pfffft!* – Pfiffegrad muess es si.
So ein Rheinfall!
Wi!!iam Wa!!ace
na klar und wenn hochwasser kunnt und keini däm vorhande sind vill spass!!
Longneck
und hoffentlich überschwemmt denn alles!
wie dr agent smith scho gseit het: dr mensch isch e virus. er vermehrt sich und vermehrt sich und breitet sich us, ohni rücksicht uf anderi lebewese / natur uf däm planet.
weisch, es isch nid dr fluss wo stört. es sin d mensche wo de fluss gfange gno hän, wo störe.
mir sin doch au gast uf däm planet, wo uns s lääbe ermöglicht. aber mer füehre uns uf als chönt dr planet ohni uns nid existiere. alles wird bis uf e letschte tropfe usbeutet, rücksichtslos zerstört.
ich wart scho lang uf e taag wo sich d natur mol so richtig fescht zur wehr setzt – aber so richtig deftig, so wiemers no nie erläbt hän. vulkanusbrüch wo d atmosphäre verdunkle, erdbebe wo so stark sin dass si nüm uf dr richterskala azeigt wärde, überschwemmige mit 200 meter hoche fluetwälle und stürm wo dr wind mit überschallgschwindigkeit bloost. sone richtigi apokalypse wär mol nötig um däm gierige mensch z zeige, das är gege d natür e mickrigs arms würmli isch.
Longneck
aber guet dass es institutione git wo für d natur (pro natura 😉 ) sind… hami grad als mitglied agmeldet. 🙂
Freidenker
hey toll, dass bi pro natura bitrittsch! denn chömer villich mol zämme üs aktiv engagiere.
d’amerikaner hend ihri apokalypse scho gha, glaub mers: katharina sitzt tief in ihrem nacke, da sie döt au gmerkt hend wie unfähig d’regierig druf reagiert het. das plötzliche klimadenke döt ähne chunt nid eifach zuefällig. aber zum glück fönts ez mol endli drüber nochdenke ah.
Longneck
i finds so schad dass de al-gore d wahl verlore het. dä wär e super präsident gsi!
do no es cool video zum thema mensch vs. erde:
http://www.youtube.com/watch?v=lO4szE_tl4k
Wi!!iam Wa!!ace
longneck muesch net e apokalypse ufbeschwöre. well ich will net dra dänke was alles cha passiere. mr längt scho was katharina agstellt het mit new orleans.
flüss wo jetzt begradigt worde sind, chasch praktisch nüm rückgangig mache. aber mr sött eifach d’flüss nümm begradige wos noni sind aber dämm baue wäge de überschwemmige….
e stückli wyt stimmts scho was de agent smith seit. aber net mir miens schnalle sondern die lüt wo ifluss händ. kyoto protokoll isch sicher e schritt
cools video longneck 😉
Longneck
[quote comment=“27816″]longneck muesch net e apokalypse ufbeschwöre. well ich will net dra dänke was alles cha passiere. mr längt scho was katharina agstellt het mit new orleans.)[/quote]
na und? aktion = reaktion. also. die mensche wos trifft sin im prinzip „selber tschuld“ – so hart wie s au tönt.
[quote comment=“27816″]aber net mir miens schnalle sondern die lüt wo ifluss händ.[/quote]
das scho, ABER: Wenn jede bi sich afoht und jede mitmacht, sins schlussendlich ganz viel lüt. denn d zahl vo de iflussriiche persone isch gering…
lueg dr abspann vo „eine unbequeme wahrheit“: dört wird ufzellt, was mir chönne bitraage. und mi bitrag isch nach wie vor dr verzicht uf e fahruswies. erst wenn wasserstoffautos vo de „iflussriiche lüt“ zueglöhn wärde (erfunde sin si nämlich scho lang), denn fangi a autofahre.
und jää, das mit de iflussriiche lüt isch sone sach.
grosse ifluss = viel macht.
viel macht = viel gäld.
viel gäld = gierig.
und gierigi lüt wänn immer no meh, ohni rücksicht uf d natur.
vo däm her isches sinnlos, passiv uf die z starre, sondern mer sötte wirklich vor dr eigene huustüür afo wüsche…
gyps
hey wallace
also mehr daem z’baue als es scho het isch wohl s’duemschte wu ich in derediskusion khoert han! so en bullshit. und was machsch denn mit denne gaze daem? was machsch mit laebewaese wu im wasser sind und muen wandere? (nur als biispil lachs und aal) und was machsch mit em ganze soogennante “ geschiebe“ ? dr ganzi schlick und die ganze stei wu unheimlich wichtig sind. das muess abtranzportiert waerde.
eigentlich isch es scho moeglich d’fluess wider z’revitalisiere. me muess eifach luege das d’flussbett breiter waerde und das me siteaerm het wu sich im hochwasser fall uuffuelle. und das sich genau das was d’fluess fruehner gha haend. aber d’politiker hand halt kei gaeld fuer so oepis naebesaechlichs. si investiere lieber in wohlstand (meistens ihrem eigene)
ich hock do grad imene research center in amerika und gsehn tag taeglich was do alles abgange isch mit orcas, zwaerg wahl oder pazifischem lachs. das isch anderscht! in dere region (im sound vu vancouver) hets fruehner 2 millione lachs kha, mittler wiihle hets weniger als 22 tausig. gruend sind ueberfischig UND dammverbauig. naja han gnueg gschribe, choent no vil schriibe. egal. wuensch euch no e schoene
Freidenker
interessant! han i nid denkt dass dämm au negativ chönte si…. wenn me an dämm denkt, chöme mir halt au die putzige biber in sinn 😉 guet, dasch es anders thema. hehe
foxie
jo, also begradige widr jo vll scho schwiirig, abr sälbscht denn kamme flüss widr so gstalte, dass sich iheimischi arte widr könne aasiidle. renaturierige sinn eifach vrdammi düür und dört simmer widr bi dr politik…abr die renaturierte teil vo dr birs gsehn eifach au abartig vill schöner uss als dr ganz rescht…do mussme nid go diskutiere…
Freidenker
befreit die flüsse! pro natura