Pistolen
Ja hallöle Leuts! Mich nimmt wunder, ob öpper da Erfahrige hed mit Pistoleschüsse imene Verein?
Ich möcht mir ebe en Pistole zuelegge in nächschter Zit (vorem kant. Schützefescht Solothurn 7.-9. Juli). S’Sturmgwehr erledigt sich ja eigetlich vo selber i de RS. Drum d’Frag:
Gits uf dem Blog Pistoleschütze?
Modell? Distanz? Kaliber? Pris?
Vile Dank.
may
i schüss au gern mit pistole i trief demit meh als mit em gwer
Freidenker
do chan i dir witerhelfe 😉
was wotsch mache: as kantonale go, d.h. aso ime schützeverein schiesse oder wotsch IPSC oder combat?
Capt. Crakkstuh
er will am liebschte capture the flag 🙂
MrWatch
i weiss au nit was ihr an waffe und schiesse so toll findet…
nämmet mr das abr nit übel… 😉
phex
@freidenker: ich bi bi de feldschütze dornach, also weniger combat/ipsc ^^ bruch also nur en waffe und ke panzerig ^^
Freidenker
a diner stell wür i mir e P210 chaufe (im militär P49 gnennt) zudue. isch e alts modell, aber öbis vom beschte, wos git – au hüt no. mit dere triffsch au uf 50m no super ohni dass e trainierte schütz bisch.
rakudave
wiviel teuer?
Freidenker
so 1000-1400.- muesch rechne.
rakudave
😯
rakudave
$preis = StringTrimRight($preis,1) 😉
Freidenker
tja, schiesse isch nid billig, wenn me selber eini wot. aber wenn me sich unbedingt öbis aschaffe wot, denn lieber öbis rechts, lohnt sich, anstatt öbis billigs wo me spöter bereut. aber jede verein sött vereinseigeni pistole ha, wo me cha benutze für lüt wo nid so viel chöme. isch au guet zum verschiedeni modell uszprobiere.
phex
ich chönt für 1200-1300 ane p210 anecho… wirdi vermuetlich au macht thx
may
leider mue de schützteclub echli drunder liede das ich jetzt au no is karate go.
may
Zum glück hani defür dihei e sig C-225 den chani privat echli schüssä.
Capt. Crakkstuh
i bi mol jungschütze gsi : das hanni aber widder siigloh, isch mr zlangwilig gworde uff schiebene zbölze.vorallem wenn an jedem jungschützeturnier die ganze nazis vo breitebach und sonstigi burekäffer choemme. hanni mi zimlig am falsche platz gfühlt.
aber e ehemalige oberstift macht das sitt johre. de verzellt praktisch immer vo dene ballerparcours (parcourene??) wome um zitt vo huus zu huus rennt und uffspringendi zielschiebene balleret. klingt recht geil. aber stadt in knarrene, hanni mi budget in papageie investiert hehe