Software aus Pakistan ^^
SAP isch ja wohl de schlechtischti Industriestandard sit Windows…
Ich nimm schwer a, das einigi vo dem Blog scho mal mit SAP z’tue gha hend… Ich schaff sit öppe 5 Wuche mit dem Züg und möcht jetz endlich echli drüber wettere und hoff, das ich echli Unterstützig überchum 😛
Ich mein… Eigetlich würd mer ja meine, das hinter jedere schwere Stürig en innovativi Idee steckt. Was isch aber dra innovativ, wenn mer einisch ENTER druckt zum witer cho, es anders mal druckt mer F8, wiederum es anders mal mues mer SHIFT+F1 drucke… HALLO? So öppis verchauft sich?
Und was bitteschön sel dä Schrott mit INSERT? Zum Teil ischs ja no praktisch wenn mer de Text ned mues markiere zumen überschribe, aber wieso um himmels Wille wird mer dezue zwunge ständig uf d’INSERT Taschte z’drucke? OK, ich gib en Lieferantenummere i, INSERT isch praktisch… aber jetz woti eigetlich öppis in Text ifüege, zwüsche d’Wörter… Ups, ha vergesse INSERT wider usz’schalte und jetz weisi nümm was gstande isch NACH dem Text woni dri gschribe ha… Jänu, ESC und nomal afa…
Das mer mit Spaghettiprogrammierig cha Geld mache, hed M$ ja scho lang bewise, aber wenn EI Windows Chischte abschmiert isch imene Grossbetrieb no nüt verlore – Reboot und fertig.
Wenn SAP abschmiert… toll… Mit SAP wird ja wirklich ALLES erledigt, da cha mers chum leischte ständig dra ume z’baschtle.
„Glücklicherwis“ hend sich d’Lüt – wie bi Windows au – a das gwöhnt und de Normalbetrieb funktioniert. Mer döf sich efach d’Zite ned vorstelle wo SAP neu igfüehrt worde isch…
So… das wär doch mal de sinnlosischti Blog aller Zite 🙂 Prost!
phex
ich suech ke hilf 😛 ich motz nur ^^
Longneck
endlich, eeeendlich mol öpper wo au unter SAP liidet. bi uns wird das dreckstool notürlich au igsetzt. und es isch laaaaaaaaaaaaaaaaaaaaaangsam…… hesch bi dir au e endlos-wassertropfe obe rechts? dä isch zu recht endlos 😉
nei, das isch widr mol sone typisch gruusigi business-applikation. enwicklet vo finanzheinis, wo vo usability, performance und ergonomie null, wirklich -0.000 ahnig hän!!
und: si mache e riese stutz dermit! hesch absolut recht, das chame wirklich mit microsoft vergliiche. doch ei unterschied bestoht: microsoft-produkt mache doch no gwüssne user freud. aber i ha no niemer gseh wo bi sap luftsprüng macht…
anschienend isches wirklich eso, dass me mit em grösste bullshit am meiste kohle macht.
chum mir progge doch es tool, wo 1+1 in drei minute zämmezellt und denn abstürzt. denn verkaufe mers. wette, mir sin morn multimilliardäre?
i ha grad no uf wikipedia nochgluegt. elei scho dr name: „Systemanalyse und Programmentwicklung“ – halloo??? nüt bessers igfalle? usserdäm weiss keine so richtig, wie sap funktioniert, oder was sap überhaupt isch; e firma, e programm oder e datebank??
göhnd au mol uf die wikipedia site: [Link]
löhnd die begriff eifach mol uf euch wirke, ohni wirklich öppis z lääse. also i has keini 2 minute usghalte, denn isch mer fascht schlecht worde…
das isch sone richtig dumms abfallprodukt vo irgendwelche scheiss finanzheinis usere graue zahlewelt – *kotz*
aaah, phex, das het guet do widr mol so z wättere! *mmmmh*
wenn sich jetzt irgendöpper an dem comment astosse sött eifach nid beachte. isch e temporäre dampfablasser gsi. 😛
Foxie
aso mir längt s wort „Rechnungswesen“ zum scho grad gar nid wölle mit däm z tue ha *brrrrr* nei, es halbs johr blecher isch ächt gnueg gsi
MrWatch
hiiiilfeeee! dä redet immer numme Blech wie si name. uf dä chönnt ich beschtens verzichte. gnueg schlimm dass i dä au e halbs joor han. ;-(
phex
@longneck: temporär isch guet… morn gaht grad witer T_T
und hüt hani mischt baut ^^ ha öppe 60 lieferante zum lösche vorgmerkt am morge… am namittag isch de chef vo de buechhaltig cho… uiuiuiuiui 😀
phex
MEIN GOTT!!! SAP NETWEAVER!!! CHAOS PUR:
Gegenwärtig bietet die SAP mit dem Produkt SAP NetWeaver eine Plattform an, mit deren Hilfe unterschiedliche Business-Anwendungen integriert werden können. Technisch handelt es sich um die Möglichkeit zur Vereinigung aller SAP-Produkte.
da wär „HILFE!“ glaub no fascht untertribe…
Capt. Crakkstuh
„gott bewahre?“
phex
hmmm… eher :/ aber es triffts immer noni ganz ^^
hey, ich ha au sones southpark avatärli ^^ wieso isch mer ned z’sinn cho das teil da z’bruche TT
phex
mein gott…
„hallo, ich heisse sap… ich drucke mal hochformat, mal querformat aber meistens hab‘ ich kein bock. das wassertröpfchen oben rechts ist doch schön animiert nicht wahr? komm, shau’s die nochmal an… und nochmal weils so schön war… und nochmal… und nochmal… achja, dein word ist übrigens gerade gecrasht, sry. hui! hab‘ grad bock ‚was zu drucken… dann haste wenigstens was zu tun während ich mein wassertröpfchen animier’… HALT NEIN! FINGER WEG VOM—„
phex
SAP – Software Against Productivity
phex
wenn sap en mensch wär, wer er präsident vo de usa >_< aber jetz mal ernschthaft: sap verschafft arbetsplätz im berich IT-Support T_T das prog regt mich efach sooo derb uf!!! RRAARRGH!!!
Capt. Crakkstuh
i bi au khei fründ vo sap
mir hen mol voll das eifach zitterfassigssystem kha. sitt dr umstellig vo fhbb zu fhnw lauft unser zitterfassigssystem au mittels SAP. jetzt hett eifach keine e ahnig wie’s funktioniert. usserdem funktionierts au nid immer. luschtig oder?
und jo: helfe channi leider nid?