HILFE! Apple goes Windows?
Apple goes Windows
Für die einen klingt das Gerücht des «PC Magazine» nach Utopie, für andere ist es eine wirtschaftlich nachvollziehbare Zukunftsstrategie.
US-Medien spekulieren über den wohl extremsten Richtungswechsel in der Computergeschichte Apples der Wechsel zu Windows. Es sei vorstellbar, dass sich Apple in Zukunft nur noch auf die Produktion von Windows-Hardware konzentriere und die teure Entwicklung des eigenen Betriebssystems komplett einstelle.
quelle: 20min
———————————————–
ich hoff doch stark, dass das e grücht blibt!!!
Longneck
das glaubt aber au nur das obersiffbire-schissipapier aka 20min!!! LOOOOL
rakudave
«PC Magazine», nit 20min
Longneck
denn halt… trotzdem: woher nämme die so grücht? schlugge die amigs zerscht LSD bevor si e bricht schriibe???
Freidenker
apple wird sicher nid d entwicklig vom eigene OS istelle – das isch ja nebscht em design seinzig wo apple vo andere unterscheidbar macht, d.h. sich vo dr konkurrenz au abhebe chan.
dass windows-hardware gmacht wird…. so geile usdruck…. D.H. PC HARDWARE GOPFERGLEMMI NOMOL! 20min redaktore sin schinbar alles laie…
Foxie
@20 min: seriously, hesch je öbbis anders erwartet???
Freidenker
…und eben, dass sie jetzt sich auf PC hardware konzentrieren werden ist eigentlich logisch: schliesslich arbeiten sie jetzt ja auch mit intel zusammen und haben deren architektur übernommen.
Alopex
dass die neuen mac’s intelchips benutzen ist ja nichts neues. wenn ich mich nicht irre, sind die ersten modelle ja schon auf dem markt. darum verstehe ich nicht, warum das jetzt eine utopie sein soll?
Freidenker
20min halt… die kontrolliere ihri newsmeldige schinbar gar nimm richtig, oder hend kei ahnig um was es goht und het eifach die meldig kopiert.
ja, MacBook Pro isch mitem Intel CoreDuo duss.
(btw: hm, mol schriftdütch, mol mundart. hüt han is irgendwie nid so im griff 😉 )
MrWatch
so ne MacBook pro wär scho no ql…
Freidenker
klar, aber i wart mol bis es einigermasse aständig gnueh progämm git wo döt druf laufe ohni emuliert zwerde… und bis denn isch dr pris hoffentli au bitz abe..
phex
mac sel d’produktion istelle? nach sonere riesige erfolgswelle? neeee… kompatibilität isch kes problem (meh), leischtig au ned und support MUES besser si als m$…
denn chund dezue, das apple en ZFRIEDENI community hed usw.
das apple jetz uf intel chips setzt find ich persönlich guet, wel ich ha d’mac chips immer als… andersch… agluegt. ich mein ja nur:
intel p4 xtreme -> dual core mit hyperthreading -> ~4 „prozis“
was würd apple mache?
4 g5 inebaschtle… das erhöht nur de pris, d’leischtig isch jedoch ned besser als die vom p4x und de p4x isch choschtet erscht no en viertel vom pris für 4 g5 prozis… minere meinig nach
Longneck
s git G5 mit dualcore…
usserdäm sin G5 viel, VIEL leistigsfähiger wie e P4, durch zuesätz wie z.b. altivec..
i finds schad dass d powerpcs abglöst wärde. nid d anzahl vo de prozis, sondern was si leischte isch entscheidend.
phex
^^ wie bi de penislängi :X
Freidenker
@claude: performance vom G5 isch ja schön und guet, aber s chunt halt nid nur ufd leischtig drufah –> die prozis sin ja vo IBM und die hend sich mit dr stückzahl uslieferig ziemli schwer do, so dass apple immer wie länger het müesse afo warte… anderersits het IBM aber, chum hends de vertrag mit microsoft fürd neu xbox unter dach und fach gha, sofort chöne unzähligi prozis – nämli au G5 (eifach bitz kastriert) liefere. so, demit wär gläb klar, dass leischtig nid sentscheidende isch 😉
phex
so oder so sind und blibed mac prozis türer…
apple mues i d’zuekunft luege… normali user wend aständigi hardware zumene aständige pris und ned superhardware zumene absurde pris, egal wie schön si verpackt isch…
Longneck
das isch scho klar, aber i bi gärn bereit für qualität e bitzli meh z zahle.
Freidenker
do muess i widerspreche. bi apple zahlsch in erster linie de name unds design… de rescht macht kei grosse unterschied prislich und chan genau so mackene ha.
Longneck
bla…
😛
phex
ob mac en höcheri qualität hed als en x86er z.b. wäri mir ned mal so sicher. s’OS isch efach für die architektur optimiert und so schint d’qualität besser z’si, wenn mer qualität mit stabilität glichsetzt…
Freidenker
yep
Lülü
apple ändert sich wegem momentane mainstream? jetzt, wos sälber immer wie me an marktateil zuenimmt?
wär rächt scheisse!