Bluetspände
Do z Amerika isch es normal, dass s Amerikanische Rote Krüz öbbe all 2.5 Moonet chunnt und e Bluetspändetaag organisiert. Mer muess 17 sii, 110lbs/50kg schweer si, und niemert wo entweder im Ussland geboore isch odr moll dört gläbt het isch erlaubt drzue, will d Amerikaner e heide Angst händ BSE au uff ihrem Kontinänt iizfange. Irgendwie doof und übrvorsichtig, irgendwie vrständlich, wills wirkli öbbis sehr unagnääms isch für d Landwirtschaft…
Naja, eso chunnt wenigschtens niemert uff d Idee mich drzue z bewege…
Tja, leider chunnts amigs halt au vor, dass Lütt entweder ohni d Bestimmige z erfülle göhnd go Bluet spände odr dass si nid gnueg ässe und drinke und denn in Ohnmacht gheie…
Sone Fall het mini US History Klass hüt erläbt, wone Mitschüeler gfroggt gha hett, öb er zu dr Kranggeschweschter chönni goh, uffstoht und fünf Schritt spöter eifach fallt. Gsichtsvorah und uff Lineoliumverlegtem Steiboode *Ouuuuuuuuuutch*. Dr Vrluscht sind mind 2 uusegflogeni/brocheni Zäähn und e Bluetlache uff em Boode (die hämmer zum glück nid müesse aaluege) und e zimilich betroffeni Klass…
Longneck
boah heftig!
Foxie
jep, scho
MrWatch
krass.
für so fäll gits zahnärzt und zahntechniker 
Foxie
jo, jetzt stell dr so lütt no vor, mi nix vrsicherig, wo scho sunscht so arm sind, dass si nid chönd zum dokor go mi so züüg!
Freidenker
i bi erstunt, dass döt s’rote chrüz sich sone ufwand leische chan und immer wieder ad schuele goht. no erstunlicher find i, dass anschienend viel denn au mitmache. muess säge, so sötts au bi uns si. aber unser spitäler chlöne lieber witer, anstatt aktiv öbis zunterneh. guet, ihne fehlt aus budget. ergo: wer isch schuld? staat der spart.
Foxie
jo, es isch vrmuetli eini vo de variante, relativ schnäll an e huffe bluet ahne zcho…da das für alli amerikaner normal isch, mached worschinli au villi mit…
jo, scho…
phex
wieso mues mer blued gä? sowit ich weis staht blued ned unter gpl :/
Wi!!iam Wa!!ace
es het jo knue bluet umme ka um si kreislauf widr ufzfülle :-))