American Experience…:-D
Geschter bin i s erscht Moll i mim Läbe go fische…(mit mim Gaschtvater, womer uff em Pic gseht, mim Gaschtbrueder und eme Gaschtunggle)
Nachdäm mer chli mehr als vier Stunde uff em Wasser gsi sind, und mer, usserd enere z chline Krabbe, nütt gfange händ, ischs scho langsam allne langwiilig worde und d Stimmig isch merkbar schlächter worde…
Abr denn het plötzlich mini Angelruete zitteret, und es isch immer stärker worde…
Dä do han i gfange…
E 4.5 kg schwere, 75 cm lange Wels…
Spöter hämmer no zwei chlinere und sogar none grösse, als mine gfange…und hütt gitts leckere Fisch zum Znacht…mmmmmmmmmmmmmm
Foxie
weisch was? i han sächs stunde zittvrschiebig! bi mir isch jetzt erscht 17:15, nid 23:15…
i han dorum au nonig gässe…
nee, i hätt chönne, abr i has mi Gaschtvater mache lo, dä chan das besser…isch 4 johr uff em Meer gsi…
Foxie
mmmmmmmmmmmm, es isch guet gsi…
Capt. Crakkstuh
sponsordaddy nid gaschddaddy. DAS PASST NID MANN
aber fische isch kewl, muess au widder mol go. swetter isch genau richtig drfür bi uns
rakudave
nice one!
ich ha mi au mol fischerich betätigt (ewigkeite här)
abr dr fisch woni gfange ha het nit aabisse, sondern ich hanem per zuefall dr hogge an unterchiifer gschmisse… (quasi harpunisiert…) 😛
MrWatch
lol
Foxie
@dave: dr dave 😉 het gfunde, dass er e bessere leherer worde isch, als fischer…:-D
lol@harpunisiert…
Wi!!iam Wa!!ace
aha e fuchs uf fischjagt 😉
g’anglet han ich zwar no nie, aber defür jede menge gfischt im meer nur mit silk und hocke 😉 aber de nochteil an dere methode isch jo wohl offesichtlich so e riese fiech hät ich nie könne usehole, do hätt ich mir nur d’finger abgschnitte 😀 durchschnittlich sind das so fisch gsi vo 5-20cm do hätt ich e mängi brucht bis ich satt gworde wäri ab dene dinger 😀
de geilschti wo mini schwöschter je gfange het isch gsi sie het e fisch usezoge wo de hogge am rugge! ka het. 😀
Foxie
jep, fuchs uf fischjagt…passt das? 😉
jo, mir hätte au eso chönne angle, abr s läbe isch vill gmüetlicher eso, und wenn de glück hesch, holsch ebbe so sache uuse…mir händ mit chline fischli an dr angle gfischt, und dohär au jedimängi abgbisseni chlini fischli zrugg becho…
lol, jo, das isch, wenn dr fisch s nid mag und de glück hesch…:-D
Wi!!iam Wa!!ace
das isch meh als glück gsi imfall
Foxie
jo, i weiss, mi USAVater 😛 het moll ein am Schwanz uusezooge…au meh glück als vrstand…
MrWatch
lol@USAVater. das triffts. odr vilicht temporärvater.
Foxie
jo, suscht finde jo anderi lütt es sigg nid die geignet beschriibig, i blib bi USAVater.
Wi!!iam Wa!!ace
@ fuchs uf fischjagt…passt das?
jep es passt e Fuchs isch en alles frässer/ässer 😉
Foxie
oouuoouu…;-)
Freidenker
nid schlecht! und wie het er so gscheckt? i nimm ah, du heschen au selber dörfe usenand neh und zuebereite?