Google’s PageRank: KICK ASS!
Von Zeit zu Zeit muss ich es einfach testen. Im Google „longneck“ eingeben. Mich nimmts amigs Wunder, wo wir stehen. Heute hat’s mich aber fast vom Hocker gehauen: Platz 3!!! Und das bei Google International…
Es kommt aber noch besser: Gibt man „longneck weblog“ ein, belegt unser Weblog gleich die ersten drei Plätze:
Keine Ahnung, warum wir plötzlich so weit nach vorne gerutscht sind. Einfach genial!
Freidenker
WOW 😯
Foxie
longneck, was meinsch du mit international???
uff google.com chunsch uff dr 4. page vo de suechergebnis
Lülü
wow!
claude eins muess dr lo, für das, dass es öbbis freiwilligs isch steggt ächt vil drhinter
kewl findi au dass sich anderi mälde z hälfe und du se au an die baby losch (freidenker)
ich sälbr bi zu blöd für die materie
rakudave
@lülü: TMI
rakudave
btw: wie chunt das, d page het nur PageRank 2 …???
Longneck
fox: hmmm… eifach wenn me „suche im web“ markiert het… abr vielicht ischs bi de amis denn widr anderst…
lülü: hey messi! und wägem helfe: ehresach und vertrauenssach. schlussendlich bini abr froh, wenn i mi nid um alles muess kümmere (z.B. bugs – die sin meh lästig als lustig)…
s wird widr mol zyt für e innovation.
z blöd für d materie: glaub i dir nid. du bisch schliesslich gymnasiascht!
i cha nid programmiere. mini letschti note im mathe (zügnis): 3.5. no frooge? nei was i dermit sage wött: jede chas lerne.
PHP isch just for fun – eifach zum erlerne, und mächtig zum dermit umespiele! s geilste, was mi dra fasziniert: du gsehsch brutal schnell ergebnis vo dinere arbeit. kei kompiliere. kei virtual machine… ich drugg CTRL-S und gseh was lauft!
fang am beste chli a, mit paar experiment. s git tonnewies büecher und aleitige im netz.
denne überleisch dr mol e miniprojektli, wo öppis bestimmts macht, öppis chlises, eifachs. nid z viel vorneh für am afang, sunsch schissts di bald mol a… wenn i alles, wo hüt so wies jetzt isch scho am afang hätt welle mache, denn wärs glaub nie sowit cho 😉
aber e chliises projekt triibts ganze vorah. bi mir isches d page vo dr freakstorm-lan gsi; het mi immer widr dra bunde, dört witer z schaffe. und denn hani dies und das neume glääse und grad ibaut. hüt isch es jo s weblog. so wachst öppis chlises stetig.
e mega-ding stellsch nämlich nid eifach vo hüt uf morn uf d bei. alles chunt langsam nodisnoo. und am schluss isch e giga-ding entstande und heschs gar nid mitkriegt 😉
Freidenker
@longneck: sehr schön gseit! *ufdschulterechlopft*
Longneck
🙂 messi 🙂
Longneck
@dave (pagerank): i chum uf 4… abr s chunt imfall extrem drufa was de genau suechsch…
http://www.longneck.ch.vu het 4.
http://www.movielab.ch het 1.
http://www.scratchbook.ch het 0…
rakudave
strange… 😯
Longneck
i wüsst imfall zu gern wie google funkioniert. eifach genial gmacht – und vor allem schnell.
i ha jo au scho mit mim crawler gspielt, um öppis ähnlichs z simuliere – aber wie macht google das, milliarde vo site in 1000el sekunde durchsueche und nach relevanz sortiere??! sensationell.
Foxie
hmm, mini froog isch eigentlich gsii, „welles google“ de brucht hesch…will, es isch notürli immer d froog, i wellem land de google benutzisch, i nimm moll a nach däne ergebnis,dass wenn i google.com benutz, dass zerscht nach amerikanische pages gluegt wird. will wenn i ööbis speziells in dr schwiz suech nimm i amigs lieber google.ch…und i grieg vill ehnder, was i bruuch…
Wi!!iam Wa!!ace
ich find das cool das de google die page eso bevorzuge duet 😀
Lülü
longenck, chum sag scho, wievil hesch zahlt?
was meinet ihr wiso google so rich isch 😉
Foxie
gg
Wi!!iam Wa!!ace
@lülü ich ha glaub mol noime gläse das google vo gwüsse firmene 50cent bechunnt pro link click vo google uf ihri firme page.
Longneck
zahle muesch nur wenn de rächts dini wärbig wöttsch gseh.
rakudave
ISCH JO DR BURNER !!!!!!!!!
QLQLQLQLQLQL