Alle Jahre wieder: WK

loool – aber was bedüted all die abchürzige? KVK, AdF?

80 dääg lang chindergarte-wiederholigskurs – arme freidenker!
hebsch sorg zu dir gäll und machsch nid z viel scheiss 😉

blargh, du arme!

abr mit stooht dä ganz zirkus no bevor!
abr die sölle erst mol ihre latz halte, bis i d matur ha…

also ich wird Deserteur! Die chönne mir alli chrüzwies… vo mir us gangi halt denn e paar daag in knast. au mol e neui erfahrig 😉

*ggg*, die haltig gfallt mer!
jo, vorallem, wenn griegsch de Knascht, wenn de nid allzu unbrav bisch?!

abr do chan i euch sowiesoo alli usslache, hehe, wenigschtens ei advantage de männer entgege… 😛

vermuetlich wäg jedem chline schissdrägg. ach mann, huere lümmelverein das!
i ha mol ghört dass d rekrute mit zahnbürstli(!) hän müesse e bode putze! mit zahnbürstli!!! und do wird no vo effizienz greded… jaja….

militär isch e institut für lüt wo nüt im chopf hän und trotzdäm karriere wänn mache.

militärdienst söll freiwillig si.

jo, das find i au.

ich wart immerno uff de ganz scheiss. haenn die angschd vo mir dassi no niente vo dene ghoert ha. hallo? ich bi 20…

au wenn ich in d rs muess. ich bi dr erschto wo bi sonere ghisste flagge druff spuckt 🙂

das wird geil. ich will au wie mi kolleg als potenzielle amokläufer beurteilt werde 😀

lol, potenzielle amokläufer? was het denn dä gmacht?

mi brueder het scho das sport zügs miese mache, und nur 1 tag lang anstatt 3 (wäg de unwätter sind paar teiler gschlosse und uf e schnell verfahre umgstellt worde)

dört het me schiins miese in 3er gruppe zunre psychiaterin goh, do het die mi brueder gfrogt:
„chönnd si sich das überhaupt vorstelle mit em ne gwehr umezlaufe und schiess iebige z mache?“
het mi brueder gseit:
„jo scho klar, das isch für ihn so sälbstverständlich wie wenn er in krieg mues zieh für si vaterland. dört würd er jede feind töte“

denne het er eifach voll abglache. resultat, nid in re kampftruppe, er isch in dr logistik (briefe zuestelle, munitionsusliferig, etc)

?lol? die gulaschgsichter hän sich bi dir nit gmäldet?
bi mir isch postwändend e briefli iinegflatteret…

@lülü: looool!

@lülü lol
@longneck na warte wenn du mich als vorgsetzte hesch bisch e armi sau!!

@foxi: fraue rede immer vo glichberächtigung also ab ins militär!

@crack unsere Huuswart im KV het d’russefahne ghisst am morge frieh, het de präss aglüte, und isch widr go schlofe gange… denn apäll am 4:10 da das de wachmeischter gseh het. er singt gemütlich d’russe hymne dezue und isch unehrehaft entlasse worde 😀

@all militär isch e luschtigi erfahrig wo jede MA emol mache sötti!!!

@lauber

woher willsch das wüsse. was du ghoersch und sehsch isch immerno oebbis anderes, wo du erlebsch.

dini ihstellig nuetzt e schissdreck wenn me authoritätsproblem hett.

@willi: du spinnsch!

ojeoje.. öpper wo de chindergarte au no unterstützt :((

@wa||ace: forget it!

@longneck: AdF = Ausbildung der Formation, KVK = Kadervorkurs, WK = Wiederholungskurs.

uäääh, „ausbildung der formation“ das tönt jo gottsjämmerlich *bibber*

@fox: *dirufdschulterechlopft*. i han die fraue nie begriffe wo freiwillig is militär gange sin. scho in dr RS han i eini kennt gha und in de WKs au immer wieder mol öber gseh. ha sie denn ame aquatsch und zum teil han i eifach dr idruck becho, dass sie entweder is militär sin, will sie susch kei job gfunde hend (sehr tragisch) oder will sie usere militär-geile familie cho sin, oder will sie im privatlebe eher einzelgängerinne sin und sich nach dem (pseudo-)zämmehalt im militär sehne…

so quasi im stil von „dabeisein ist alles“…

@willi: ja, s militär isch e erfahrig – aber eini woni ohni nocheztrure druf chönt verzichte. sorry, i muess dört mit lüt abfinde, wo i susch im läbe nie wür au nur ei sekunde wür zämme si. die istellige wo dört zum teil atriffsch sin höchschtens für angehendi psychologe fasziniered 😉

@capt. cräkkstuh:
zvil gäld odr hesch du paar schwarzi gschäftli?
@fraue:
ich find frau miend ins militär. grund: fraue könne (meist) besser koche als männr
@militär=krank-dänker:
ich persönlich machs militär, will wenn dört e job hesch… ouu tschäss! kriegsch e merz odr bmw, wo de au döfsch privat fahre, chasch im casino gratis ässe, wirsch guet zahlt..
nur abr zum eins feststelle: ich bi kei kriegsgeili sau! s git sichr au so buechhaltigs- odr juristischi jöbs 😉
@lauper:
dä mit dr russe fahne 😀
machi vilicht au, odr halt mit e re sowjet fahne, dass hätt meh style. weiss öbbert wie d sowjet hümmne goht?
@

odr nei! franzose flagge: Marseillaise, franzose pass use… 😀

wobi nei, denn wüsse si das ich frankrich treu bi und denn kann ich d schwiz nüm so guet für frankrich usspioniere

@lülü: säg mol hets dir in chopf gschisse? bestätigsch grad was i obe an willi grichtet han. lol

@lülü1: landesverat isch todesstrof!!

@fraue in de armee: ich sagg jo net dass die mit em Strumgwehr90 mien ummerenne, sondern eher so wie de lülü gseit het Koch, Sanitäter usw….

@freidenker ok denn hesch halt eifach e chli päch ka mit de yteilig

@cpt.crack stimmt scho was du seisch, aber fascht alli bestätige mir dass es e luschtigi aber asträngendi zyt gsi isch.

@russefahne s’militär hets no eso chönne biege mit de präss das es net erwähnt worde isch in de zytig!

todesstroff? wahrschinli wird au das hüt nur no mit ere buess bestrofft. villich so säge mir mol CHF 20000.- *gröhl* 😉 hüt gits ja in dr regel nur no buessene, lichte knascht isch abgschafft. und dr schwer erreicht au fasch kein meh, will er vorher zum psychdienst muess atrete. i sägs eu, es isch immer wie meh en chindergarte do *chopfschüttel*

@todesstrof die Exsischtiert offiziell und wird au Offiziell falls es krieg git mit däm land sofort usgführt…

@freidenker: welle grad hesch du eigentlich?

@fraue: jo, ok, das würd i seeeeeeeehr villicht aanäh, abr nei, das isch eifach absurd, sorry, i würd mi trotzdäm weigere, militär heisst für mi, trotz de hilfe im land, dass es land bereit für ä krieg isch, und mit däm chani mi nie iiverstande erchläre. wenns militär nur d funktione vo hälfe in katastrophesituatione (und kei krieg!) und unterstützig für d polizei in sicherheits frooge (i dänk an grossaaläss) und generell halt für d funktion vome land würd sorge, denn wär das öbbis anders
@freidenker: fraue wo freiwillig ins militär göhnd – i kenn keini- abr die müehnd äs grosses problem ha, es fallt mer schwer dene nid vorzwärfe, si heige äs grosses gältigsbedürfnis und e zimli nidere charakter, nei ächt, sich freiwillig dur irgendwelich kondi tescht schlo, wenns nid für fuessball isch, pffffffff, neva in tha life!
scho nur die vorstellig…
@lauper: wenn der findet er müesstet fraue als chöchinne aastelle, denn erwart i abr, i däm fall, dass s choche und s wohl vo dr gmeinschaft s einzige isch, wo si müend mache.

schwyzer militär isch halt uf verteidigung usgrichtet und net uf Agriff. Ok gueti defensiv waffene cha mr au als Offensiv waffe misbruche, das goht natürlich scho. aber ich glaub net das d’schwyz e krieg würdi afo.

@foxi das wäri doch e vorschlag. schigg doch dä ans kreiskomando die lose dir garantiert zue 😉

also für alll papnasene:

dr schwiz ihres neue verteidigungskonzept isch nüm dr rückzug ins reduit, sondern e präventiv schlag gäge gegner, d. h. dr gegner wird vor dr schwizer linie ufghalte (i has zerst au nid chönne glaube)

zuedem ischs militär sehr wichtig: umwältkatastophe und so. abr wenn mr kei militär hätte, wär jo d schwiz supr i nehmbar… denne wärde mir eifach vo dr eu überrent um die insle z fülle und DAS ISCH NID GUET!
zuedem stärkts d internationale beziehige: jäjä, mir pseudo neutrals land händ uf unsere alte raggentene dr nato code kah, d. h. wär dr chalt chrieg usbroche wäre au raggente us dr schwiz zu unserne rote genosse gfloge!

sunsch: s git jo arbetsplätz, das isch bsunders wichtig, vorallem wenn jetzt no meh spasstis us europa kömme (nei i bi nid rassischt, ich find eifach me sötts wie jede andere staat au mache: zersch für si volk luege!)

ok do muess i em lülü zuestimme. wäre mir ungschützt, chämt die verdammti drecks-eu. mir mien also zwangsläufig öppis zum blöffe ha (unses chliine armeeli chasch jo nid ernst näh). schad dass es nur so funkioniert 🙁
trotzdem: wurum nid e freiwilligi armee? s git jo schiins gnueg wahnsinnigi wo de saich toll finde!

rassismus etc: au do stimmi zue. die iheimische sölle vorrang gniesse. die andere chönnte jo z.b. statt immer nur uswandere mol sich um problem in ihrem eigene land kümmere.
i finds denn eifach gottsjämmerlich, wenn so angeblich „verfolgti“ flüchtling in d schwiz chömme und sich do uffüehre als wäre si die grösste.

@willi: du chunsch mir chli vor wie sone träumer, wenn du sgfühl hesch, dass d schwizer landesverteidigung im chriegsfall wirkli öbis usrichte chönt… nei sorry, echt. die strategie wo erarbeit worde sin, so züg hesch no chöne zu zite vom erschte und zweite weltchrieg chöne awende.

@lülü: das mit de arbetsplätz stimmt, nur wird dört au immer wie meh gspart. vieli chleini zughüser werde gschlosse. und in dr VBS verwaltig werde au stelle gstriche. au s militär muess spare, da sie vom parlament sbudget kürzt bechöme.
das mit em ufhalte vom gegner vor dr grenze isch au sone witz, vor allem mit unserer gschrumpfte armee XXI… wo mir das serscht mol ghört hend im theoriesaal, hets eis glächter geh. zurecht. das mitem natocode isch au sone heuchlerei. vornedure seit me in dr politik, dass me unabhängig will si und neutral und hinedure versuecht me möglichscht grossi nato-kompatibilität zerreiche. aber isch au klar: im ernstfall müesste mir es bündnis igoh – susch chönte mir grad ufgeh mit dene wenige ressource wo mir no hend.

mannomann… d schwiz muess doch no irgend öppis ha. irgend e ass im ärmel. sinds d banke? s bankgeheimnis?

@longneck: d EU muess doch kei chrieg mache um uns izneh!! wirtschaftliche druck längt längschtens. in däm zämmehang muess i säge bewunderi i d chinese: die hend etz über johre hinweg ihri wirtschaftlichi stellig ufem weltmarkt chöne massiv usbaue und sin zume wichtige macht worde. mittlerwile stütze d chinese ja sogar dr amerikanischi dollar, susch wär da no viel tiefer is loch… so, los dir das mol dure chopf dure go. merksches? genau! d chinese hend sozsäge dschlinge um de amerikanischi hals zoge. söti amerika je mit chrieg drohe, müeste sie nur zuezieh. sogseh wird sich amerika hüete d chinese welle öbis vorzschribe wie sis bim iran mache. do muess i eifach säge: chapeau! dass nenn i langfristigs denke! bis sie das hend chöne ereiche isches vieli johr gange und vergiss nid: alles ganz unbluetig. dass nenn ich strategischs denke!

@longneck: unser bankgheimnis isch nimm so attraktiv wie zu zite vom chalte chrieg. mittlerwile gits paar karibikstaate wo in dem berich viel beliebter worde sin. d schwiz isch do nur no „ghobeneri mittelklass“.

ojeoje… was hämmer denn no, was anderi nid hän? öppe tolli bildigs- und forschigsinstitut? i mach mer langsam sorge…

@chinese: hmm… usgrächnet die. und jetzt föhn si a mit atombömbli bastle, oder hani do öppis falsches ufgschnappt? wo füehrt das bloss ane?

jo, d ETH isch immer no im vodere drittel vo de top 100 drbi. nei unsri zuekunft gseht glich us wie unsri vergangeheit und unsri gegewart: unser land läbt vor allem vo de KMU. mir müent luege dass d politik d weiche so stellt, dass es dehne au in zuekunft guet cha go, susch schuffle mir unser eiges grab.

nei, d chinese hend scho lang atombombe. wieso meinsch?? guet, si hends au dur spionage bi de amis abgluegt gha in de 50er johr, ab das isch es detail 😉

@wallace: shut up! i grab mer doch nid die eigni gruebe!

@atombombe die dinger sinn vom ufbau här eifach aber nur an die nötige materialie ane zcho isch schwireig, vorallem e sichers labor demit du net sälber verstrahlt wirsch…

@schwyzerverteidigung natürlich bringt die nüt wenn überhaupt chönnte mich höchschten 1’200’000 kampfbereiti lüt organisiere und wenn denn d’USA mit 10’000’000 würdi cho do hätte mir kei chance

@KMU natürlich isches eso aber wenn alles eso wytergoht, gsehn ich schwarz für unser land

@chinese die stütze de dollar immomänt au numme bis sie ihri induschtrie verbesseret hän und denn löhn sie de dollar keie, so würdichs mache in ihrer position.

@fox muesch halt eifach dört blibe, wo du jetzt bisch, denn ch a dir nett vill passiere 😉

mir isch ufgfalle, dass i hüt ersch uf die 14:30 muess igruckt si und am fritig nomittag gits au scho urlaub. tiptop, dr hütig dag isch aso scho praktisch gschenkt und es verlängerts wucheend han i au. mi kadi hets begriffe wies goht *gg*

@wallace: pfffffff, das glaubsch jo sälber nid!

I han in dr Schwiz vill weniger bedänke, dass i bis i 90 bin überläb!

@foxi jo ok villicht hesch rächt 😉

und was passiert wenn d chinese de dollar gheie löhn?

üh, jungs, isch euch ufgfalle? de bitrag hets in d „hot topics“ gschafft!

@chinese denne gohts de amis verdammt schlächt finanziell also de kurs keit dass denn irgend wie ei dollar plötzlich 50rp. wärt het statt de immomänt ~1.23FR

und das bedütet für unseri wirtschaft……

alli produkt in de usa sinn für uns billiger und alli product wo d’amis bi uns wänn kaufe wärde türer durch de wächsel kurs.
Stimmt das? falls net Korrigiere….

@wallace @überläbe: chunt mängisch vor…;-P

jo, sött sovill i weiss stimme, isch abr au eso wäge agebot/nachfroog.