Web Design on Safari
Als Mac Userin und tätig im Bereich vo Web design hani letschti e guete Tipp zum CSS debugge becho:
Safari het es Debug Menu, wo ächt moll öbbis bringt. So chamer CSS Fähler au finde 
Zum s aaschalte:
defaults write com.apple.Safari IncludeDebugMenu 1
im Terminal ussfüehre…(Safari sött währenddesse nid laufe) und denn Safari aaschmeisse.
S Tool woni am meischte bruuch isch dr Web Inspector. Wemmer dört uff s HTML File clickt, chamer oobedra uff “DOM” umschalte. So chamer s file inspiziere (zum alles ussklappe “ALT” und uff e Pfil klicke)…Rächts chamer denn no Umstelle (zB uf Metrics), denn gsehts so uss, wie im Bild…
viel Spass…
Freidenker
kenned ihr de firebug noni? tönt schwer nach öbis ähnlichem…
foxie
hmm, han firebug au moll no installiert. isch scho rächt ähnlich
was i grad gseh han, isch mer firebug z unruhig…isch zwar schön, dass mer alles uffere page chan aaluege, unds denn diräggt aazeigt wird, abr wen du an öbbis spezifischerem schaffsch, hanis lieber so wie im safari…in dr source markiere, und denn isch guet…
@developer toolbar: die isch praktisch, wells dr zb form details aazeigt, etc, abr zum divs bearbeite taugts nütt, s vrschiebt dr alles…
Longneck
Das isch cool!
ähnlich wie d developer toolbar für e firefox…